سكينة

المكان: القاهرة فى شارع فى أحد الميادين المزدحمة
الزمان: حوالى الساعة الثالثة بعد الظهر
المنظر: لقطة من البلكونة فى الدور الثالث

الدنيا زحمة والشوارع بالخلق مليانة
بتجرى ذى النمل حوالين حتة سكر شاقيانة
العربيات فى صراع عنيف
مخلوط بكلكسات مستمرة بصوت مخيف
و عربية إسعاف مندفعة بسرعة
و صوت سرينتها العالى يدوى
تبص جواها تلاقيها فاضية
طب يا عم ليه الصداع الى يكوى
و عم رمضان بتاع الخضار
بينادى و يقول معسل يا خيار
و عم فنوس بتاع العرقسوس
صوته و لا أجدع ناقوس
و المكوجى كمان عامل إزعاج
براديو خرمان جايب شاندو و برنجان
والست أم عبده واقفة فى البلكونة
بتنادى و تزعق يا أخونا الحقونا
سمفونية أصيلة من الدوشة و الظيطة
تربى الخفيف لإجدع دماغ
و رغم كل ده شعور غريب بالهدوء و الطمأنينة
تقدر يا جدى تقولى منين جات الست سكينة
رد جدى هو إنت يا بنتى لسة مفهمتيش بيت القصيدة
مهما رحتى ولاجيتى عمرك ماحتلاقى حتة
أحاسيسك نحيتها ذى بلدك عجيبة
تحبيها قوى و برضه تكرهيها قوى
...ليه
يمكن لإنك منها ولإن زكرياتك فيها غالية
ويمكن لإنك شفتى أحسن و بتتألمى
لما تفكرى ليه ذى غيرها متكنش هادية